Hals på tjukke pinnar!

Denne halsen såg eg første gang i ein reklame for Slettvoll eller Hødnebø eller noko slikt. Typisk meg å legge meir merke til strikkekleda enn møblane..... Lukka var difor stor då eg såg den utstilt leeeenge etterpå hos Husfliden i Stavanger. Strikka på ein-to-tre på tjukke pinnar!

Mønster: Polar hurtigstrikk frå pt Design/Rauma, modell nr. 10

Garn: Polar 

Pinner: 9 mm og 10 mm

Lenkje til Ravelry: Hals



Juni-Stricken

Juni-sokkane Stricken var sokkar fulle av fletter og mønster på skrå. Mønsteret endra seg heile tida, så det gjekk fort å strikka dei i grunnen. Litt "bale" å strikka flettemønster på vranga på hælen, men med litt konsentrasjon så gjekk det og!

Mønster: Stricken frå boka Knit Sock Love

Garn: Sisu frå Sandnes garn 

Pinner: 2,5 mm

Lenkje til Ravelry: Stricken



Laminaria

Sjal er i grunnen kjekke å strikka. Dette er ein klassikar på nettsamfunnet Ravelry, så i tillegg til meg så er det minst 2304 andre som har strikka det same sjalet. Mønsteret finn du gratis hos Knitty. Det er mønster på både eit lite tørkle og eit større sjal, men det er lett å leggje til rapportar slik at sjalet vert enda større. Sjalet er strikka frå midt i nakken og ut.

Stjerner!

Ser du godt etter, kan du sjå at det er blomar!

Blondekant ytterst

Mønster:  Laminaria

Garn: Lace frå Drops, brukte ca 40 gram

Pinner: 3,5 mm trur eg.....

Lenkje til Ravelry: Laminaria



Julisokkane BFF

Julisokkane vart strikka i full fart. Heilt ordinært flettemønster som var lett å hugse gjorde at sokkane vart ferdige på eit blunk. Fint sokkegarn i flotte fargar gjer sokkane ein ekstra piff. Sokkane er strikka i størrelse S til ei stor småjente som har omlag størrelse 35 i sko.

Mønster:  BFF frå boka Knit. Sock. Love av Cookie A

Garn: Mini palett frå Sandnes garn

Pinner: 2,5 mm

Lenkje til Ravelry: Twisted flower

Mmmmmmmmmmmmjukt!

Av og til overraskar ektemannen stort. Som då han kom heim frå England med garn og strikkemønster til meg! Florlett luksusgarn frå Rowan laga av mohairgeit og silke. Geiter er ålreite dyr!

Eg har strikka eit sjal av det lyseblå garnet (eg fekk raudt og). Sirkelrundt sjal med midtstykke i rillestrikk og blondekant ytterst. Dei to stykka skulle strikkast kvar for seg, men eg er ikkje så glad i å sy, så i staden for å fella av då eg var ferdig med midtstykket, la eg opp nok masker til blondekanten og strikka blonden fast i midtstykket ei maske for kvar omgang. Same teknikk er brukt på det royale svøb som eg har strikka før, og det er ein kjekk metode som gjer lite monteringsarbeid.

 Blonden var ikkje av dei enklaste. Det var litt vanskelig å "lesa" strikketøyet, så eg kunne ikkje leggja det frå meg midt i, eg måtte strikka til rad 1 eller 11 for å ha litt kontroll. Forkorta rader gjer at blonden formar seg akkurat passe langs det runde midtstykket. Ikkje noko fjernsynsstrikk med andre ord!!

 Sjalet er ganske stort, eg vil tippa i overkant av 1 meter.

Mønster:  Hilda frå boka Lacy knits av Alison Crowther-Smith

Garn: Kidsilk Haze frå Rowan, farge Heavenly. Eg brukte 104 gram

Pinner: 4.5 mm

Lenkje til Ravelry: Hilda

August sokkane - Twisted flower

Sommarferie har vore sommarferie frå datamaskin, men ikkje frå spøt! Juni sokkane er ikkje fotografert enno, og juli sokkane gløymde eg på ferie, så her kjem august sokkane først (dei andre kjem dei og....). Sokkane som heiter Twisted flower vart riktig så fine om eg får sei det sjølv! Det einaste dumme er at oppskrifta berre hadde ein storleik, og det var i alle fall ikkje min! Jaja, godt nøgd jente på 9 1/2 vart eigar av desse, omlag størrelse 35 eller noko slikt. Mønsteret ser verre ut enn det er.....

Forresten har eg lært meg å strikka fletter uten å bruka hjelpepinn. Mykje kjekt på YouTube!

Mønster:  Twisted flower frå boka Knit. Sock. Love av Cookie A

Garn: Sisu frå Sandnes garn

Pinner: 2,5 mm

Lenkje til Ravelry: Twisted flower

Mai-sokkane Rhombus

Mai-sokkane gjekk fort å strikka. Kjekt geometrisk mønster som var lett å huska. Gjennomtenkte detaljar som at mønsteret på brotet fortsett nedover leggen, og frå leggen og nedover gjer sokkane ein ekstra piff. Mykje styr med mange pinnar når den eine flettinga skulle gjerast, så desse kunne nok med hell vore strikka med magic loop (men det har eg ikkje lært meg enno, så enn så lenge så er det strømpepinnar og hjelpepinnar som gjeld).

Sokkane er strikka i Lanett som truleg ikkje er spesielt godt eigna til sokkar, men det held vel ei stund før det går hol..... Mjuke vart dei i alle fall!

Mønster:  Rhombus frå boka Knit. Sock. Love av Cookie A

Garn: Lanett frå Sandnes garn

Pinner: 2,5 mm

Lenkje til Ravelry: Rhombus

Aprilsokkane Mona

Aprilsokkane til samstrikkinga på nettsamfunnet Ravelry ferdige. Desse heiter Mona og var eit mykje kjekkare prosjekt enn Thelonious-sokkane i mars. Godt sokkegarn frå Regia gjorde desse kjekke å strikke. Solveig vann det svært eksklusive sokkelotteriet denne gongen.

Vanskelige? Nei, i grunnen ikkje. Mønstera til Cookie A er godt skrevne, så det er ikkje vanskeleg å følgje med på dei fleste av dei. Dette var eitt av dei som var lett å huske, og det går i grunnen fort når ein ikkje treng å sitje med nasen ned i boka. Det vanskeligaste i byrjinga var å lære seg amerikanske forkortingar og strikketeknikkar, men alt går med youtube og internett....

Detalj av hæl. "Forkorta rad"-hæl og kile

Mønster:  Mona frå boka Knit. Sock. Love av Cookie A

Garn: Regia 4 fädig

Pinner: 2,5 mm

Lenkje til Ravelry: Mona 

Ferdig! Kvit Fanatrøye

Ikkje akkurat noko svennestykke, men det kjennes litt sånn... Eg har brukt ein evighet (det vil seie 10 månader), og eg har strikka og strikka og strikka!

Den kvite Fanatrøya er i grunnen finare enn den stripete kvardagstrøya synest eg. Meininga er at den skal brukast til best, og på søndagen.

 Nokre fakta:

• Så mykje rillestrikk er ikkje spesielt spennande...
• Å strikke med pinne nr. 2,5 mm skulle berre vore lov til babykle og sokkar!
• Handsydde belegg er ikkje det kjekkaste eg veit, men du og du kor fint det vart!
• Eg kjem ikkje til å strikke ei slik trøye ein gong til trur eg.

Initialane til eigaren bak i nakken. Knappehola er kanta med raudt og med gult til regels. Knappane heiter "Holbergknappen" og er den same som vert brukt i Fanabunaden. Kva veg knappinga skulle vere var visst ikkje så viktig, herreknapping er visst ein nymotens ting!

Detalj av mansjetten på armen.

Knappane er festa på gamlemåten med skinnreim. Eg stakk hol til knappen med ei stoppenål før eg pressa den gjennom belegget og festa den i skinnreima.

Mykje "putlearbeid" med belegget. Alt er sydd for hand for å ikkje vise på framsida. Belegget er krympa i maskin på førehand.

Detalj frå framstykket. Diamantar nederst og skakkareiker øverst. Flotte namn!

Ingen tvil om kven som eig trøya!

Sånn. Godt å vere ferdig. Eg håpar eigaren vert nøgd!

Eg tek forresten ikkje imot bestilling.....

Mønster:  Hvit Fanatrøye frå boka Fanatrøyer

Garn: Rauma Gammelserie, bleika. Eg gløymde å vege den, så eg veit ikkje kor mykje garn som gjekk med.

Pinner: 2,5 mm

Mars i april

Enda eit par sokkar til samstrikkinga på Ravelry. Ikkje ein sokk som var lett å strikka. For mykje mønsterrapportar og forskyving av mønster kvar 4. omgang gjorde at det vart mykje å passa på. Ikkje brukte eg noko godt garn heller. Denne gong vart det sokkegarnet Silja frå Gjestal, og det er ikkje akkurat noko luksus..... Sokkane vart litt store, så dei skal snart sendast i posten til Tromsø.

Mønster:  Thelonious frå boka Knit. Sock. Love
Garn: Silja sokkegarn frå Gjestal
Pinner: 2,5 mm
Lenkje til Ravelry: Thelonious

Sokkar....

Sokkar i Smart garn (trur eg). Dei har lagt ei stund nesten ferdige. Er ikkje heilt nøgd med dei, men eg har ikkje tenkt å sei kva som er gale med dei.......... Varmar sikkert for det..

Sokkar til far - Monkey

Eg har som mål å strikka eitt par sokkar i månaden i 2011. Det gjer eg saman med ein heil haug med andre på nettsamfunnet Ravelry. Det er på førehand bestemt kva sokkar ein skal strikke, og i februar er det Monkey som skal strikkast. Det er ikkje lov å leggje opp før den første i gjeldande månad, så no er det ei stund til eg kan byrje på neste par. Alle sokkane er henta frå boka Knit.Sock.Love av Cookie A.

Far i huset vart trekt ut som heldig (?) mottakar av eit par sokkar denne månaden.

Detalj av hæl

Magisk garn som skiftar farge! 

Mønster: Monkey Gratismønsteret i linken er i storleik S. Eg har strikka strl. L som er ein mønsterrapport større.
Garn: Zauberball frå Schoppel-Wolle, farge "Stone-wash"
Pinner: 2,5 mm

Fanatrøye

No og då tek eg til med prosjekt som ser kjekke ut, men som viser seg å verte langdryge. Å strikke kvit Fanatrøye til ein vaksen mann på pinnenr. 2,5 mm tek tid og er vel kanskje ikkje det luraste eg har funne på. Eg har teke pause frå heile prosjektet ei stund no, for det er ikkje SÅ spennande å strikke rillestrikk fram og tilbake, fram og tilbake.....

Til no er begge framstykka, ryggen og 3/4 av eine armen ferdig. Det går på fram (trur eg). Husfliden i Bergen hadde ikkje slike trøyer for sal, for det var ingen som ville strikka dei. Det skal du få meg til å tru. MEN, resultatet trur eg vert bra! Trøya er etter gamalt ei bestetrøye, og den kan og brukast til bunaden i staden for vestane og jakken. Oppskrift og meir historie kan du finne i boka Fanatrøyer.  

 Band og knappar er kjøpt inn på Husfliden i Bergen.  

Sølvknappane heiter Holbergknappar og er kopi av ein gamal mynt. Fine! 

Detalj frå nederste del av framstykket (ikkje dampa enno!).

Nederst på armen.

"Diamantar" på øverste del av rygg og framstykker

Knappholet som ein kan skimte skal kantast med raud og gul ulltråd. Det skal og syast belegg på innsida av bomullstøy. Har ikkje gjort det før, men det vert vel ei råd......

Knit.Sock.Love. Hedera

Sokkestrikking er kjekt. Spesielt når det er beste-sokkar. Støvle-sokkar er ikkje det kjekkaste i verda, men når sokkane vert så fine som desse, då er det kjekt. Mønsteret er henta frå ei bok som heiter Knit.Sock.Love og er skreve av ei dame som heiter CookieA. Boka er bestilt frå ein nettbutikk i USA.

Fine mønster som er lette å fylgje slik som Hedera, men og mønstre som krev litt meir konsentrasjon.

Blondestrikken gjer at sokken sit godt rundt ankelen utan å vere stram. Sokken er strikka "Small" og passar til ein fot som er storleik 35-36.

Tuppen på tåa er sydd saman med maskesting eller Kitcheners stitch som det heiter på engelsk.

Mønster: Hedera frå boka Knit.Sock.Love av CookieA. Link til gratismønster her

Garn: Drops alpakka, omlag 70 gram

Pinne: 2,5 mm

Kiri

Kiri er eit greitt sjal å byrje med om du ikkje har strikka sjal før. Ein byrjar "i nakken" med få masker og aukar utover på ein slik måte at ein endar opp med ein trekant. Sjalet er strikka på pinne nr. 5, så det går fort framover. Eg er ikkje sikker på om eg likte garnet noko særleg. Det var rett nok tynt og fint å sjå til, men litt for mykje "ulldottar" innimellom. Det kom seg noko då det vart blokka. Eg har strikka same sjalet i Kid-silk ein gong før, og det vart eit mykje meir delikat sjal.

Mønster: Kiri

Garn: Drops Vivaldi

Pinner: 5mm